രാവിലെ കുറഞ്ഞു, വൈകുന്നേരമായപ്പോൾ തിരിച്ചുകയറി; യുഎഇയിൽ സ്വർണവിലയിൽ ചാഞ്ചാട്ടം

യുഎഇയിൽ ഇന്ന് സ്വർണവിലയിൽ ചാഞ്ചാട്ടം. ഇന്ന് രാവിലെ മൂന്ന് ദിർഹത്തോളം സ്വർണവില കുറഞ്ഞപ്പോൾ, വൈകുന്നേരമായപ്പോൾ ഏകദേശം ഇന്നലെത്തെ വിലയുടെ സമാന സ്ഥിതിയിലേക്കെത്തി. എന്നാൽ ഈ ദിവസങ്ങളിൽ സ്വർണവിലയിൽ പൊതുവേ കുറവാണ് രേഖപ്പെടുത്തുന്നത്.

യുഎഇയിൽ 24കാരറ്റ് സ്വർണത്തിന് ഇന്ന് വൈകുന്നേരത്തെ വില ​ഗ്രാമിന് 508 ദിർഹവും 19 ഫിൽസുമാണ്. ഇത് ഇന്നലെ വൈകുന്നേരം 510 ദിർഹവും 69 ഫിൽസുമായിരുന്നു. ഇന്ന് രാവിലെയായപ്പോൾ വില ​ഗ്രാമിന് 507 ദിർഹവും 88 ഫിൽസുമായിരുന്നു വില. ഉച്ചയ്ക്ക് 506 ദിർഹവും 77 ഫിൽസുമായി വീണ്ടും കുറഞ്ഞു. അതിന് ശേഷമാണ് വൈകുന്നേരമായപ്പോൾ വീണ്ടും വില വർദ്ധിച്ചത്.

22കാരറ്റ് സ്വർണത്തിന്റെ വിലയിലും സമാന ചാഞ്ചാട്ടം രേഖപ്പെടുത്തി. വൈകുന്നേരമായപ്പോൾ 22കാരറ്റ് സ്വർണത്തിന് വില ​ഗ്രാമിന് 465 ദിർഹവും 84 ഫിൽസുമാണ്. ഇത് ഇന്നലെ വൈകുന്നേരം 468 ദിർഹവും 13 ഫിൽസുമായിരുന്നു. ഇന്ന് രാവിലെയായപ്പോൾ വില ​ഗ്രാമിന് 465 ദിർഹവും 56 ഫിൽസുമായിരുന്നു വില. ഉച്ചയ്ക്ക് 464 ദിർഹവും 54 ഫിൽസുമായി വീണ്ടും കുറഞ്ഞു. വൈകുന്നേരമായപ്പോൾ മൂന്ന് ദിർഹത്തോളം വില വർദ്ധിച്ചു.

21കാരറ്റ് സ്വർണത്തിന് ​ഗ്രാമിന് 444 ദിർഹവും 67 ഫിൽസുമാണ് ഇന്ന് വൈകുന്നേരത്തെ വില. ഇന്നലെ ഇത് 446 ദിർഹവും 85 ഫിൽസുമായിരുന്നു വിലയുണ്ടായിരുന്നത്. രാവിലെ ​ഗ്രാമിന്റെ വില 444 ദിർഹവും 39 ഫിൽസുമായിരുന്നു. ഉച്ചയ്ക്ക് 443 ദിർഹവും 42 ഫിൽസുമായി വില കുറഞ്ഞു. എന്നാൽ വൈകുന്നേരമായപ്പോൾ വില വീണ്ടും ഉയർന്നു.

18കാരറ്റ് സ്വർണത്തിനും വിലയിൽ മാറ്റമുണ്ടായി. ഇന്ന് വൈകുന്നേരം വില 381 ദിർഹവും 14 ഫിൽസുമാണ് വില. ഇന്നലെ ഇത് 383 ദിർഹവും 02 ഫിൽസുമായിരുന്നു. രാവിലെ ​ഗ്രാമിന് 380 ദിർഹവും 91 ഫിൽസുമായിരുന്നു വില. ഉച്ചയ്ക്ക് വില പ്രഖ്യാപിച്ചപ്പോൾ 380 ദിർഹവും എട്ട് ഫിൽസുമായി കുറഞ്ഞു. എന്നാൽ വൈകുന്നേരമായപ്പോൾ വില വർദ്ധിച്ചു.

Content Highlights: Gold Prices Fluctuate In The UAE, Falling In The Morning And Rising Again In The Evening